دليلك الكامل عن البروتين

  • ثانيا البروتين : 1 – ايه هو منتج البروتين لعلاج وفرد الشعر؟ منتج البروتين هوالمنتج المطور للكيراتين يعني مش اختراع جديد تماما انما هو تطوير لنفس فكرة الكيراتين, والبروتين الاساسي في أي منتج علاج للشعر هو بروتين الكيراتين لانه زي ما احنا عارفين ان بروتين الكيراتين هوه اللي بتتكون منه 88% من الشعرايه الطبيعيه وهو اغني البروتينات بالاحماض الامينيه وهو المسئول عن نعومه وصحه وحيوية الشعر يعني أي شعر عنده مشكلة تقصف او هيشان او جفاف يبقي لازم يكون بروتين الكيراتين يكون ضمن أي منتج هيستخدمه لعلاج الشعر ده. 2 – طيب امال ايه الفرق بين منتج البروتين ومنتج الكيراتين؟ مع التطور العلمي والتكنولوجي والابحاث اللي بتتم في مجال علاج و العنايه بالشعر اكتشفوا ان عند اضافه بروتينات اخري قويه ومؤثره مع بروتين الكيراتين هتكون النتيجة افضل كتير و علي فكره في انواع لسه باسم الكيراتين واضافت فعلا التطور ده علي منتجها بس الشركات الاخري حبت تجدد الاسم علشان يكونله انتشار واهتمام اكبر بين العملاء لان الناس دايما بيبهرها الجديد افضل ما يتقالهم طورنا القديم لدرجة ان شركات كيراتين عملت منتجها هو هو مره تانيه في عبوه مختلفه وسمته بروتين عشان يتباع اكتر؟ زي شركة جراه. 3 – يعني البروتين ده مفيد ؟ اكيد اه لانه بيدي الشعر البروتينات اللي محتاجها وكل شعر حسب مشكلته والنوع اللي يناسبه و فيه انواع نتيجتها افضل من الكيراتين وفيه انواع نفس نتيجة الكيراتين القصه كلها في التركيبه ونوعية البروتينات الاخري المضافه للكيراتين. 4 – بيفرد بنسبة قد ايه؟ حسب نوعه وحسب طبيعة وحالة الشعر افضل الانواع بتفرد من 70 الي 100% و بيفضل فى الشعر زى الكيراتين كل البروتينات المده المعتاده من 3 الي 6 شهور ومع التكرار والعنايه الصح ممكن يكمل ل 8 شهور و بيتكرر العلاج كل ما تحسي ان شعرك محتاجله وكل مره الشعر بيتحسن بنسبه من ناحية الهيشان والجفاف والتقصف. 5 – طيب سعره اعلي من منتج الكيراتين ليه؟ لانه يحتوي بروتينات اخري قويه وعالية السعر بالاضافه للكيراتين + استخدام تقنيات حديثه ومتطوره لضمان افضل نتيجه وفاعليه للمنتج انواع البروتين طبعا انواع البروتينات كتير جدا لكن اهم البروتينات المفيده للشعر فعليا هيا اللي هنتكلم عنها بالتفصيل هنا اولا البروتينات تنقسم الي…. 1- بروتين نباتي البروتين نباتي بيمتص بسهولة في جذع الشعرة أكثر من البروتين الحيواني و مش بيعمل تراكم، ويترك االشعر لامع و وصحي. 2- بروتين حيواني البروتين الحيواني مليان بالاحماض الامينيه وهو ما يسمي بتقنية ال bio اهم انواع البروتينات للشعر 1 – بروتين الكافيار انه واحد من المصادر المليانة باحماض اوميغا 3 الدهنية + فيتامين E & A واوميجا 6 وهو اكثر البروتينات اللي شبه خلايا الجلد البشري، وبيدى مرونة للشعر وتحسين الحالة الصحية لفروة الرأس. و ترطيب عميق بفضل الاوميجا 6 وتقويه للشعر الضعيف 2 – بروتين الصويا بيزود من قدرة الشعر على الاحتفاظ بالرطوبة الضرورية، واللي بتحميه من التلف ويعمل علي تحسين قوة الشعر. 3 – بروتين الكولاجين المعروف عن مرونة متزايدة في الشعر. 4 – بروتين الحرير المعروف لتليين ونعومة الشعر الجاف. 5 – بروتين القمح هو مرطب قوي وهو البروتين المعروف بزيادة قدرة الشعر على الحفاظ على رطوبتة وتحمل العوامل الخارجيه وممكن يخترق جميع طبقات الشعرة، من الداخل الى الخارج ويعمل علي تعزيز قدرة الشعر علي الاحتفاظ بالرطوبة جوة الشعره وبيخلى جسم الشعرة ناعمة ونضرة، إضافة إلى مظهر لامع وصحي. 6 – ايه هى اضرار البروتين ؟ لحد دلوقتى لم تقرّ منظمة الغذاء والدواء العالمية FDA المنتج، ومفيش أبحاث كافية لاختبار أمان وسلامة المستحضر. ولكن الأطباء بيقولوا أنه لو مفيهوش مادة الفورمالين فمفيش ضرر من استخدامه. الشركات بتتنافس في استخدام التقنيات المتطوره والحديثه والفعاله في صناعة منتجهاتها من الكيراتين والبروتين وكمان استخدام الاجهزة الحديثه والمتطوره في تطبيق المنتج بيفرق في النتيجه النهائيه عالشعر. خلاصة الكلام بنات حوا بتنصحكم بلاش نجرب حاجة على شعرنا لو هو مجهد و ضعيف جدا عشان ممكن تجيب نتيجة عكسية و يكون احسن كمان لو سألنا دكتور جلدية الاول ايه احسن حاجة نعالج بيها شعرنا.